Жылдыз ОсмоналиеваКүн чыгышым

Улам карап туш тарапты элеңдеп
Айтар сөздү миң кайталап белеңдеп
Күн чыгышым! Сени күтөм зарыгып
Жүрөгүмө батып барат тереңдеп
Жүрөгүмө батып барат тереңдеп

Тоонун суусу аңтарылат иримдеп
Дарак ырдайт, жалбырагы дирилдеп
Күн чыгышым, келсең боло күттүрбөй
Салааланып саамай чачың бириңдеп
Салааланып саамай чачың бириңдеп

Айлап-жылдап жалгыз сен деп түгөндүм
Жүрөгүмдүн бардыгына күмөнмүн
Колду шилтеп кетип калбас себебим
Боосу сенде мен катынган жүгөндүн

Улам карап туш тарапты элеңдеп
Айтар сөздү миң, кайталап белеңдеп
Күн чыгышым! Сага деген махабат
Жүрөгүмө батып барат тереңдеп
Жүрөгүмө батып барат тереңдеп