Bahodir MamajonovHali ko'p yig'laysiz

Orzular uzildi, bechora banda,
Ruhingiz qiynalar gulgun badanda.
Tabbassumingiz soxta, zo`raki handa,
Hali ko`p yig`laysiz, hamdardi yo`q yor.

Sizni ayamasa qismat, netayin?
Sizku adashgansiz bilib-bilmayin.
Meni hasrat o`rtar hijrona sayin,
Hali ko`p yig`laysiz, hamdardi yo`q yor.

Hamdardi yo`q yorim, hamdami yo`g`im,
O`zin yaralagan, malhami yo`g`im.
Meniku har holda ovutgay o`g`lim,
Hali ko`p yig`laysiz, hamdardi yo`q yor.

Orzular uzildi, bechora banda,
Ruhingiz qiynalar gulgun badanda.
Tabbassumingiz soxta, zo`raki handa,
Hali ko`p yig`laysiz, hamdardi yo`q yor.