Seyyid TalehElemdari Huseyn

Ey Əbəlfəzl Ələmdari Hüseyn
Sənə qurban ola zəvvari Hüseyn

Saxlamışdın başım üstündə ələm
Sənə xatir cəm idi Əhli Hərəm
Nə qədər sağidin ey mehri uməm
Qoymadın xar ola gülzari Hüseyn

Kəsdilər zülm ilə taki yolunu
Tutdular tiğ ilə saği-solunu
Saldılar firqeyi üdvan qolunu
Ağladı dideyi xünbari Hüseyn

Rahi eşqində qolun oldu qələm
Hüsnü vəsfin elədi şərhi rəqəm.
Sən olubsan bilirəm mehri uməm
Munşeyi dəftəri tumari Hüseyn

Bar İlaha bihəqi xətmi Rəsul
Eyləmə sən bizi məhşərdə məlul
Bi riya təziyəni eylə qəbul
Bihəqi arizi gülnari Hüseyn

Sən öləndən sonra ey mehri munir
Gəldilər qətligaha qövmi şərir
Əhli-Beyti eylədi Şimr əsir
Xar olub Abidi Bimari Hüseyn

Necə İbrahimə nar oldu hunud
Bizədə rəhm eylə ya Rəbbi Vədud
Qoyma nalə edə əflakə suud
Bihəqi ahi şərərbari Hüseyn

Təkyəvu məscit olub şuri fəza
Tutarıq biz sənə hər ildə əza
Qoyma zülmətdə bizi ruzi cəza
Ey olan mehri nurənvari Hüseyn

Gülşəni “Qudsə” gəlib bülbülü zar
Eyləyə şuri nəvani izhar
Gördü biçarə qalıb zari fikar
Verdi bəs quvvəti qoftari Hüseyn