Shavkat UmarovOnam o'lib qolsa nima qilaman

Bir kuni hammasi o'zgarar aniq
Sinovli kunlar o'tar bilaman
Bugun bir narsadan qo'rqaman qattiq
Onam o'lib qolsa nima qilaman

Undanda mehribon qo'l topolmadim
Nimaga ko'ngliga yo'l topolmadim
Goh bitta doriga pul topolmadim
Onam o'lib qolsa nima qilaman

Betob bo'lib qolsa nima qilaman
Gulim so'lib qolsa nima qilaman
Vujudim qaltirab qolar o'ylasam
Onam o'lib qolsa nima qilaman

Musofir yurtlarda yuribman daydib
Hayotim bemazmun umrim betartib
Bir dunyo pul bilan ketsam ham qaytib
Onam o'lib qolsa nima qilaman