Sherali Jo'rayevSensan yorim

Nogoh esgan shamollardan,
Shubha, gumon, savollardan. (x2)
Yolgʻon, yomon xayollardan,
Asragayman seni yorim.

Jabr-u jafo, sitamlardan,
Achchiq koʻz-yosh alamlardan.
Ul hasadgoʻy sanamlardan,
Asragayman seni yorim.

Sensan yorim, begʻuborim,
Bir umrga vafodorim. (x2)

Xasta boʻlma, darmoningman,
Safarlarda men zoringman. (x2)
Baxtga oʻrab har oningman,
Asragayman seni yorim.

Koʻz tegmasin koʻzimdan ham,
Jim turarman soʻzimdan ham.
Sevarman, lek oʻzimdan ham,
Asragayman seni yorim.

Sensan yorim, begʻuborim,
Bir umrga vafodorim. (x2)