Ozodbek NazarbekovOnam hayot bo'lganda

Xonodonim nurga to’lardi,
O’sha qiz ham yorim bo’lardi.
Ostonamga o’zi kelardi,
Onajonim hayot bo’lganda,
Mehribonim hayot bo’lganda.
Kimga bersang yaxshisiz deydi,
Dil emas, qo’l qo’lni taniydi.
Hastajon bo’lsa ham qaniydi,
Onajonim hayot bo’lganda,
Mehribonim hayot bo’lganda.
Tinglab dard-u nolalarimni,
Artib ko’z yosh, jolalarimni.
Erkalardi bolalarimni,
Onajonim hayot bo’lganda,
Mehribonim hayot bo’lganda…
Topilarkan davlat, risq-ro’z,
Haqdan o’zga bo’lmas sodiq do’st.
Bo’g’zim ichra kuyar bitta so’z,
Onajonim hayot bo’lganda,
Mehribonim hayot bo’lganda.
Yarim ko’nglim balki to’lardi,
O’sha qiz ham yorim bo’lardi.
Ostonamga o’zi kelardi,
Onajonim hayot bo’lganda,
Mehribonim hayot bo’lganda…