Xurshid KarimOtangni qo'llari

Hayoting musaffo nurlarga to'lar,
Onangni qalb-qurri rizoga to'lsa,
Egilmas boshing ham, qaddingiz g'oz bo'lar,
Otangni qo'llari yelkangda bo'lsa.

Qo'llari sen uchun duoda har kun,
Quvonchli kunlaring, bo'lmas diling xun,
Sen kabi Hoqonsan, misoli Horun,
Otangni qo'llari yelkangda bo'lsa.

Qalbingda jush urar orzu, uy, havas,
Tegrangda yangraydi baxt deb bir sas,
Armonlar poyingda titrab yotgan xas,
Otangni qo'llari yelkangda bo'lsa.

Nolima, qayg'urma, chekma fig'on, dard,
Yig'lama yoshingni g'ururingga art,
Dunyoda yuq aslo sendan badavlat,
Otangni qo'llari yelkangda bo'lsa.


Bekorchi g'amlardan bo'lma dilxira,
Kutib ol barchasin tabassum ila,
Yolg'onchi dunyodan ranjima sira,
Otangni qo'llari yelkangda bo'lsa.

Pulingga do'st bo'lib o'tgan do'stlarning kuyi,
Tashvish, g'amlaringni quvonchlarga yoq,
Umringni har kuni asli bazm, to'y,
Otangni qo'llari yelkangda bo'lsa.

Nechalar hayotda topdilar zavol,
Kimlarning qaddi tik, kimlar qaddi dol,
Qadriga yet uni, duosini ol,
Otangni qo'llari yelkangda bo'lsa.