Farrux XamrayevJoynamoz bering

O'lib qolgan iymonim qayta tug'ulsin 
Egilmagan qaddim bugun egilsin
Poyiga bir umr vujudim to'kilsin
Onajonim menga joynamoz bering

Dunyo dedim tan olmay barcha matoni
Shu sabab har bir ishda ko'rdim jazoni 
Hozirdan o'rganib aytayin azonni
Onajonim menga joynamoz bering

Bormas edim muborak juma namozga 
Havas qilmay azonday shirin ovozga 
Berilibman kechiring kibr parvozga 
Onajonim menga joynamoz bering

G'aflat bosib yotardim peshinga qadar 
Namozsizlik kulfat-u g'amlarga eltar 
Bugun bildim namozlar go'zal na qadar 
Onajonim menga joynamoz bering

Iymonim yig'ladi qazolarimdan 
Kechirgin yuragim ozorlarimdan
Yuzlarim nurlansin namozlarimdan
Onajonim menga joynamoz bering

Xatolar qilibman yoshlikka yo'yib 
Pul topish dardida namozni qo'yib 
Yurakka Qur'onni muxurlay o'yib
Onajonim menga joynamoz bering

Tushlarimga kiribdi Firdavs bog'lari
Nurli insonlarni baxtli chog'lari
Kechirildi birdan gunoh tog'lari
Onajonim menga joynamoz bering

Duo qilib Ollohga bugun yolvoray 
Ota-onam sizlarni Hajga olib boray
Musulmonman Ollohga iymon keltiray
Onajonim menga joynamoz bering

Musulmonman Ollohga iymon keltiray
Onajonim menga joynamoz bering-2