Tohir MahkamovJon dadam (new version)

Mehribonim, g‘amxo‘rim
Jon dadam, jonim dadam
Bellarimning quvvati
Shavkatim, shonim dadam

Xushzabon-u nuqtadon-u
Nurli iymonim dadam
Hovlimizni posboni
Zo'r qo'mondonim dadam

Qaltirab turganlaringiz
Bizga ko‘p davlat ekan
Jilmayib kulganlaringiz
Bizga ko‘p davlat ekan
Bosh bo‘lib yurganlaringiz
Bizga ko‘p davlat ekan

Qadringiz ko‘p o‘tdi-ku
Jon dadam, jonim dadam

Do‘stlaringiz ichra siz ham
Yursangiz bo‘lmasmidi?
Biz bilan davrada shod
O‘tirsangiz bo‘lmasmidi?
Ko‘p qatori ko‘p umrlar
Sursangiz bo‘lmasmidi?

Ko‘ngil uyim kuydi-ku

Jon dadam, jonim dadam
Sizni ko‘plar yodlashar
Farzandlaringiz bor uchun
Ruhingizni shodlashar

Farzandlaringiz bor uchun
Nomingiz mangu yasharkan
Farzandlaringiz bor uchun
Der ziyo qalbimda qolgan

Mangu armonim dadam
Jon dadam, jonim dadam