Aziz SharofiddinovBir lahza

Bir lahza avval shirin sukunat
Qulog'im yonida asta shivirlar
Sevgi izhorlar

Bir lahza avval bor edi sadoqat
Hech qanday og'riq hech qanday jarohat
Yoqimli kunlar

Sevardik o'ylardik kuylardik birga
Uchardik kulardik yig'lardik birga
Yolg'iz kezaman biz yurgan ko'chalarni
Eslab maxkam tutgan nozik qo'lchalarni

Endi bu gaplar befoyda
Sen boshqa men boshqa joyda
Yonimda emassan lek shu yerdasan
Tushimda o'ngimdasan har yerdasan

Bu mayin ovozing yangrar yuragimda
Faqat seni baxting mening tilagimda
Endi bu gaplar befoyda sen boshqa
Men boshqa joyda

Bir lahza avval qorong'u xonada
Deraza ortidan yomg'ir tomchilar
Uyqusiz tunlar

Bir lahza avval cheksiz orzular
Faqat tushlarimga kirib og'ritar
O'sha tuyg'ular

Sevmasdim bugun og'rishim bilganimda
Bormasdim yoninga yolg'iz qolganimda
Hamon kezaman biz yurgan ko'chalarni
Eslab maxkam tutgan nozik qo'lchalarni

Endi bu gaplar befoyda
Sen boshqa men boshqa joyda
Yonimda emassan lek shu yerdasan
Tushimda o'ngimdasan har yerdasan

Bu mayin ovozing yangrar yuragimda
Faqat seni baxting meni tilagimda
Endi bu gaplar befoyda
Sen boshqa men boshqa joyda

Bir lahza oldin bor edi sadoqat..