АрсенЖүрөгүмдө Кыргызстан

Кыйналган кезди күндөй батырган,
Курама топтоп Эр Манас чакырган.
Алтайдан келген асыл жерим деп,
Айланам Кыргыз айланам атыңдан.

Мекендин дартын, муңун угалы,
Мен дебей, биз деп жанып чыгалы.
Желбиреп желек кылып бул күндө,
Ата-Журт үчүн жүрөк суналы.
Атадан калган кыргыз жер үчүн
(Байыртан келген кыргыз эл үчүн)

Эл үчүн кызмат кылгын күч үрөп,
Эмгегиң менен келечек түзүлөт.
Тарыхты казып тамырын билгендер,
Мекендин баркын жүрөктөн түшүнөт.