Абир Касенов

Жалындаган махабат,
Жанып, күйүп албырат.
Элесиң ай эсимде,
Турат дайым, жаркырайт.

Жаш жүрөгүм тынчыбай,
"Бир өзүң!" - деп үн чыгат.
Улам карап жылмайсам,
Жан-дүйнөмдө күн чыгат.

Кайырма: х2
Элесиң ай эркелеп,
Эске келет эрмектеп.
Жолукканда колуңдан,
Алгым келет жетелеп.

Ак көйнөгүң чапташып,
Бермет, шуру жарашып.
Калсам экен жаныңда,
Түбөлүк кол кармашып.

Шамал болсо желбиреп,
Кирпиктериң серпилет.
Махабатка чөмүлүп,
Эт жүрөгүм элжирейт.

Кайырма: х2
Элесиң ай эркелеп,
Эске келет эрмектеп.
Жолукканда колуңдан,
Алгым келет жетелеп.