Нурмат СадыровЭстедим

Жадыраган жазым сен элең,
Жандай көрүп сүйөм дечү элең.
Жаркыраган айдай периштем,
Түбөлүктүү бактым сен элең.

Сүйүүм менден узап кетерин,
Бир жүргөндө баркың сезбедим.
Сүрөтүңө карап отуруп,
Ойноп-күлгөн күндү мен эстедим. (x2)

Кара көздүү сулуу кыз элең,
Сүйүүм менин калпыс түш белең?
Табыштырган жазгы сүйүүбүз,
Күздө кетер келгин куш беле?

Сүйүүм менден узап кетерин,
Бир жүргөндө баркың сезбедим.
Сүрөтүңө карап отуруп,
Ойноп-күлгөн күндү мен эстедим. (x2)

Ошол күндөр өттү билинбей,
Эрте соолгон жаздын гүлүндөй.
Бакыт тилеп сага аргасыз,
Жашап келем бирок түңүлбөй.

Сүйүүм менден узап кетерин,
Бир жүргөндө баркың сезбедим.
Сүрөтүңө карап отуруп,
Ойноп-күлгөн күндү мен эстедим. (x2)