Нұрболат АбдуллинӘкелердің орны бөлек

Әкелердің бөлек екен толғасы
Анамыздың жанашыры сырласы
Біздер үшін көп қиындық көрсе де
Көздерінен білінбейді мұң жасы
Біздер үшін көп қиындық көрсе де
Көздерінен білінбейді мұң жасы


Әкелердің бөлек екен намысы
Үйден шықса түздің болар тағысы
Сынаққа да сүрінбеуді үйретер
Бұлтты күндей күркіреген дауысы
Сынаққа да сүрінбеуді үйретер
Бұлтты күндей күркіреген дауысы


Әкелердің бөлек екен тілегі
Тілегінен байқалады жүрегі
Жұдырықтай жүрегіне сыйып тұр
Жау қайтарған бабалардың жігері
Жұдырықтай жүрегіне сыйып тұр
Жау қайтарған бабалардың жігері


Әкелердің орны бөлек расында
Оған жетпес ешбір байлық асылда
Бар кезінде бағалайық құрметтеп
Мәңгі бақи жүре бермес қасыңда
Бар кезінде бағалайық құрметтеп
Мәңгі бақи жүре бермес қасыңда

Әкелердің орны бөлек расында...