Бауыржан РетбаевЖігіттерге өсиет

Жігіттерге өсиет
Дүние-ау өте шығар баян етпей
Әркімдер мұратына қалар жетпей
Сүрсеңде мың жыл өмір қызық көрмей
Болмайдай өткен өмір бір күнгідей

Дүние опа болмас жинағанмен
Кетерсің бір күн тастап қимағанмен
Әркімнің өз көңілі өзіне алтын
Жолдас бол кімде болса сыйлағанмен

Жігіттің жақсылығы амандығы
Кісіден аулақ жүрсе жамандығы
Шарт жұмып екі көзін жүрседағы
Көрінер қай жерінен адамдығы

Шапқанмен жабы жылқы бәйге алмайды
Сұлылап ақ бидаймен бақсаңдағы
Алтынның титтей жерін дақ баспайды
Жетпіс жыл жер астында жатсадағы

Жапалақ бұлбұл болмас сайрағанмен
Қара су май болмайды қайнағанмен
Алмас боп жасық пышақ өте қоймас
Жүзіне асыл салып қайрағанмен

Қаршыға әлсіз болса қаз алмайды
Өнерсіз жігіт құлаш жаза алмайды
Дүние жұртты алдаған бейне базар
Әркімдер өз әлінше базарлайды