Думан Бейбітхан ұлыӨмір деген

Пай-пай өмір өтесің-ау бір күні
Тиясың-ау қуанышты, күлкіні
Өмір деген бір жарқ еткен найзағай
Өмір деген көк аспанның күркірі
Пай-пай өмір өтесің-ау бір күні

Болмағандай, жүрмегендей сен де біз
Кетеміз-ау, әй, кетеміз, пендеміз
Ұрпақтарға береміз де кезекті
Біз кетеміз, кету үшін келгенбіз
Пай-пай өмір өтесің-ау бір күні

Өмір деген бұйым (товар) емес қолдағы
Өмір дейтін ұлы бекет жолдағы
Қаның кеуіп қапалаған кезіңде
Сусыныңды қандырсаң бір болғаны
Пай-пай өмір өтесің-ау бір күні

Мына күнде, мына аспанда даланың
Бәрі бізден, бәрі бізден қалады-ау
Өмір дейтін тағатсыз бір қозғалыс
Өмір деген өлемін деп қарамау
Пай-пай өмір өтесің-ау бір күні