MereyЕсіл күн

Ертең бе, ертең ең соңғы күні гүлдердің,
Келеді-ай шіркін жұбатып бәрін үлгергің.
Алдамшысың деп неге айта алмаймын о, тоба,
Білсем де сырын аяр һәм ару күндердің.

Ертең бе, ертең ақ пенен қара аумасып,
Шыға келмекші нұр менен түнек жауласып,
Ең соңғы ғұндай Еділді тастап көшетін,
Еңкілдеп жылап барады көк бұлт тауды асып.

Есіл де есіл, есіл күн,
Соғамын десең балғаң емеспін, төсіңмін.
Ақтаушың-дағы бола алмай,
Даттаушың-дағы бола алмай
Дағдарып тұрған халімді менің кешіргін,
Есіл күн.