Есет СадуакасовМахаббат назы

Көктем келіп жетті міне, тағы да
Мен отырмын жылай да алмай жабыға
Өткен күндер көз алдыма тізіліп
Қарайлаймын қайтқан құстар тобына

Сүйемін сені неге екенін білмеймін
Білмеймін жаным, мезгілсіз солған гүлдеймін
Армандап сені, ойлаймын жатсам-тұрсам да
Жүректің емін өзіңнен ғана іздеймін

Қош бол, дегім келмесе де ардағым
Амалым жоқ, бақытты бол арманым
Бірақ-бірақ сүйіп өтем мәңгілік
Жаным менің, сені ұмыта алмадым

Сағындым сені, сағымдай болған күндерді
Сені ойлап ұзақ ұйқысыз өткен түндерді
Жан досымменен сырласқан сәтті сен жайлы
Жүрегімменен мұңдасқан әсем гүлдерді