Асыл тобыАқ тамақ (Халық әні)

Сенен сұлу, Ақтамақ, жан өтпейді-ай,
Ақылың асқан дариядай көз жетпейді-ай, Ақтамақ.
Шыға келсең жалт етіп бұлт астынан-ай,
Қайран болмай көрген жан бір кетпейді-ай, Ақтамақ.

Қ-сы:
Айдың көлдің еркесі,
Ерке өскен-ай, Ақтамақ.
Гүл бақшада сайраған,
Бұлбұлымсың-ай, Ақтамақ.

Оқтан ұшқыр жарқ етсе қара көзің-ай,
Қорғасындай балқытар айтқан сөзің-ай, ақтамақ.
Сымға тартқан күмістей нәзік белің,
Сәтті күні жаралған жансың өзің-ай, Ақтамақ.