Ишен НазаровМугалим

Мугалиммин, сыймыктанар кесибим,
Мына ушундай улуу кесип ээсимин.
Наристенин сезимине гүл эгип,
Нар көтөргүс жүктү артып келчүмүн.

Кайырма:
Келечектин пайдубалын түптөгөн,
Кемтикти да билим менен бүтөгөн.
Мугалиммин, Дүйшөн агай шакирти,
Бир кылымдан бир кылымга сүйлөгөн.
2-Куплет
Мактанбаймын, эң жөнөкөй адаммын,
Мүнөт сайын ойлоп турган сабагын.
Ар бир жандын жан дүйнөсүн аруулап,
Айыктырган билдирбестен жарасын.

Кайырма:
Келечектин пайдубалын түптөгөн,
Кемтикти да билим менен бүтөгөн.
Мугалиммин, Дүйшөн агай шакирти,
Бир кылымдан бир кылымга сүйлөгөн.

3-Куплет:
Мугалиммин, жакшылыкка үндөгөн,
Бала менен бала болуп гүлдөгөн.
Акылды да , билимди даа туу тутуп,
Адамдыкыты ураан кылып сүйлөгөн.