Ozoda AhmedovaUmidjon (xotira)

Beshigingni tebratib
Allalagan qo'llarim
Qismatim qursin bolam
Tutdi tobutingni ham

Farzandidan ayrib
Qilguncha ko'nglin yarim
Onani yaratmasin
Ekan Yaratgan egam

Kulib turgan ko'zingni
Sog'inib ketdim bolam
Ona degan so'zingni
Sog'inib ketdim bo'lam

Bir lahzada quridi
Guldekkina hayoting
jonimga jilo bo'ldi
manguga sening yoding

Umidlarim sen bilan
Birga ketdi Umidjon
Qancha umidlar bilan
Qo'ygandim sening oting

Kunday nurli yuzingni
Sog'inib ketdim bolam
Ona degan so'zingni
Sog'inib ketdim bo'lam

Kunday nurli yuzingni
Sog'inib ketdim bolam
Ona degan so'zingni
Sog'inib ketdim bo'lam