Думан КурмашБауыр керек

Бір әкенің құшағында,
Бір ананың мекендеген құрсағында.
Бірге өскен,
Бірге көшкен,
Бауырды аңсап берілдім-ау құса мұңға!
Бауыр қайда?
Ауыл қайда?
Дүние қуып кеттіңдер бәрің қайда?
Қырда өскен жезкиік те,
Топырақ мен туғанын сағынбай ма?

Бауыр керек!
Бауыр керек!

Бауырларсыз бұл өмір ауыр келет!
Әр адамның жүрегінде,
Бауырларға бір орын болу керек!

Өмір кейде - болар қайғы,
Бірақ бауыр жаныңнан жоғалмайды,
Мың досың да, шын досың да,
Бауырыңдай бір туған бола алмайды.