MMXSevgi

O'n sakkizga kirmagan kim bor
Bog'ingdan gul termagan kim bor
Sen haqingda yozib to'rt satr
Sirdoshiga asta ko'rsatib
Qo'shni qizga bermagan kim bor

Dastlab har kim qalam olgan on
Yonib seni kuylar begumon
Maskan qurib har bir ko'ngildan
Oshiqlarni qoldirib tildan
Shoirlarni qilursan biyron

Tushdim chog'i men ham domingga
Ezgu hislar baxsh etding menga
Hayotimga zar lavha bo'lding
Ilk she'rimga sarlavha bo'lding
Hayollarim ulfatdir senga

O'n sakkizga kirmagan kim bor
Bog'ingdan gul termagan kim bor
Sen haqingda yozib to'rt satr
Sirdoshiga asta ko'rsatib
Qo'shni qizga bermagan kim bor

Yuragimda his etdim qanot,
Tilsim kabi ochilur hayot,
Visoldagi damlarim shirin,
Hijrondagi g'amlarim shirin,
Kulib boqar menga koinot...

O'n sakkizga kirmagan kim bor
Bog'ingdan gul termagan kim bor
Sen haqingda yozib to'rt satr
Sirdoshiga asta ko'rsatib
Qo'shni qizga bermagan kim bor