Seyyid TalehOğlum Hüseyn (Həzrəti Zəhra (s) dili ilə)

Qanına qəltan olan oğlum Hüseyn
Ümmətə qurban olan oğlum Hüseyn

Kim səni qərq etdi qızıl qanına
Niyzə dəyib sinəyi suzanına
Fatimə qurban yaralı canına
Ləbləri ətşan olan oğlum Hüseyn

Bərhəm olub getdi əsasın sənin
Olmadı bir kəs tuta yasın sənin
Bəs hanı əynində libasın sənin
Sinəsi suzan olan oğlum Hüseyn

Teşnə ləb öldürdülər qardaşını
Firqəti qan eylədi göz yaşını
Kim daldan kəsdi susuz başını
Xanəsi viran olan oğlum Hüseyn

Bəsləmişidim səni sinəmdə mən
Gül bədənin qaldı yer üstündəsən
Yox sənə bir qəbri qazan dəfn edən
Peykəri üryan olan oğlum Hüseyn

Gəldi anan dur başının üstünə
Bəs nə salım yarələrin üstünə
Şimr gedir xeymələrin üstünə
Xeyməsi talan olan oğlum Hüseyn

Ağlamışam sübhü məsa halına
Qurban olum o yaralı canına
Aldın Huseyn Əkbərini yanına
Əsğəri ətşan olan oğlum Hüseyn

Neyləsin axır bala bu Zeynəbin
Bəs necə görsün yaralı peykərin
Kim ki, kəsib zülmilə bu əllərin
Zeynəbi nalan olan oğlum Hüseyn

Hansı ana mən kimi nalan olub
Kərbubəla də ciyəri qan olub
Xeymələri zülmilə talan olub
Xeyməyə mehman olan oğlum Hüseyn

Sən necə səbr etdin oğul qəmlərə
Firqəti Əbbasi, Əli Əkbərə
Oxlara nişanə Əli Əsğərə
Bağrı qızıl qan olan oğlum Hüseyn

Sən ki, imam idin axır ümmətə
Nuri hidayət bu yaman millətə
Saldılar axır səni min zillətə
Xakilə yeksan olan oğlum Hüseyn

Növhə tamam oldu “Kəniz” ağlaram
Başıma mən indi qara bağlaram
Oğlun Hüseynə mən əza saxlaram
Ey kəfəni olmayan oğlum Hüseyn