Курал ЧокоевӨмүр зымырайт (ost Апамдын махабаты)

Өмүр зымырайт
Мен сага туш болуп
Көңүлүм куш болуп
Чарк айланам канат дирилдей

Күндөрүм түндөргө
Түндөрүм күндөргө
Алмашылды көзгө илинбей

Турмуштун сырын айт
Таш бака кыбырайт
А өмүр зымырайт зымырайт зымырайт

Шашылбайт таш бака
Эсалат чарчаса
А өмур зымырайт зымырайт зымырайт

Сагынтып кээде сен
Ардагым келбесен
Кантип өмур жайнайт гүл ачып

Санаймын күндөрдү
Санаймын түндөрдү
Өчөшкөнсүп өтпөйт убакыт

Кыялым алкынат
Теминем камчылап
А өмүр кыбырайт кыбырайт кыбырайт

Өңү да өзгөрүп
Таш бака көздөнүп
А өмүр кыбырайт кыбырайт кыбырайт

Үмүттөй түнөрүп
Кош десем түбөлүк
Билбей калдым неден жаңылгам

Жүрөктүн өртү жок
Дүйнөнүн көркү жок
Жандап өтөт мезгил жанымдан

Аппак таң аткансыйт
Күн деле баткансыйт
А өмүр токтогон токтогон токтогон

Билсе да таш бака
Кыбырайт таш бака
А өмүр ташыркап токтогон токтогон