Farrux XamrayevTobutdagi go'dak nolasi

Siz yig'lamang onajonim
Ruhim ezilar
Ko'z yoshingiz menga bir oz
Og'ir sezilar

Kelgunizcha bog' oralab
O'ynab turaman
Jannatga sizlar bilan
Birga kiraman

Keng dunyoga sig'madima
Qabrga sig'dim
Odamlar qo'lida yurar
Tobutga mindim

Hamma yig'lab jim ketadi
Hayron boraman
Jannatga sizlar bilan
Birga kiraman

Go'dak edim
Xizmatingiz qilolmadim
Netay sizga shirin
Farzand bo'lolmadim

Kichik qabr ostida
Sog'inib yotaman
Jannatga sizlar bilan
Birga kiraman

Ko'p yig'lamang onajonim
Qismat shu ekan
Jannatda bizning uyimiz
Tillo dur ekan

Go'zal Farishtalar bilan
O'ynab turaman
Jannatga sizlar bilan
Birga kiraman

Nomozga mahkam bo'linglar
Siz xafa bo'lmay
Duolar qilinglar meni
Unutib qo'ymay

Sog'insangiz tushingizga
Kirib turaman
Jannatga sizlar bilan
Birga kiraman