Роза ШакироваСадагам

Ак сүйүүлөр арналып,
Кимдер турмуш курбаган.
Бирөө сүйүп, уурдатып,
Бирөө сүйүп, уурдаган.

Махабатым ушундай,
Азоо болот турбайбы,
Ортодогу жашка, бүлөгө,
Такыр көңүл бурбайбы.

Кайырма:
Садагам, сени сүйсө сүйөр менчелик,
Сүйө албас билем мени эч ким сенчелик.
Биз барчу көп кырлар бар,
Сен кичүү, көп жылдар бар,
Ортодо ошол, ошол, ошол кемчилик.

Шыбыр айтсам сүйүүңдү,
А мен созом ырымда.
Сен ачылган гүл болсоң,
А мен кырктын кырында.

Тагдыр деген ушундай,
Таш боор болот турбайбы.
Сүйгөндөрдүн баарын бактылуу
Боло турган кылбайбы.

Бак болор бар турбайбы, мага сенчелик,
Бактылуу болсо болор эми менчелик.
Сен ашчу көп кырлар бар,
Сен кичүү көп жылдар бар,
Ортодо ошол, ошол, ошол кемчилик.