Tohir MahkamovYangi Masqaraboz

Men kim, oddiy bir masxaraboz,
Kuldiraman juda ham soz,
Kulmang, do`stlarim, siz bir nafas,
Men ham odam, masxaraboz emas.

Faqat Tangrim shundek yaratdi,
Sizni bizlarga lol qilib qaratdi,
Hazil – tagi zil, haq so`zni yaratdi,
Bizni, do`stlarim, masxaraboz deb atabdi.

Hayotning o`zi katta tomosha,
Har kimning libosi o`ziga yarasha,
Hayotning o`zi katta tomosha,
Har kimda niqob o`ziga yarasha,

Tangrim niqoblar ulashgan chog`i
Bizga tekkani masxaraboz niqobi.

Men kim, oddiy bir masxaraboz,
Kuldiraman juda ham soz,
Kulmang, do`stlarim, siz bir nafas,
Men ham odam, masxaraboz emas.