Umar ShamsiyevSumbula

Sumbulajon-sumbula,
Sen mening holim so’ra,
Holim zabun aylagan
O’shal sayroq bulbula

Uning ko’zi qarodir,
Mening bag’rim yarodir,
Aytolmayman dardimni,
G’urur yo’ldan urodir.
Dardimni, dardimni,
Dardimni aytolmayman.

Muhabbat yomon ekan,
Sayrovi hijron ekan
Yonib-yonib yetganing
Dunyoyi armon ekan.

Sumbulajon-sumbula,
Jafokashga yo’q chora
Endi Sanobaringga
Tangridan to’zim so’ra.

Sumbulajon-sumbula,
Sen mening holim so’ra,
Holim zabun aylagan
O’shal sayroq bulbula.