Серік Гамза-задеТең келмесім

Мен өзіңді теңер едім
Бұлбұлдардың әніне
Егіз десе сенер едім
Ғажайыптың бәріне
Ай мен күннен аумаған
Әсем жүзің қырмызы
Екі көзің жаулаған
Көк аспанның жұлдызы


Сен көрінбей ішінде
Жүрдің қандай бақтың
Үш жыл көріп түсімде
Бүгін ғана таптым
Ең аяулы арманым
Енді менен кетпе
Сені ұқсата алмадым
Ешбір кереметке


Мен өзіңді теңер едім
Мөлдір таза бұлаққа
Жаныма нәр берер едің
Жүрген кезде жырақта
Ғашығым да жарым да
Жалғыз өзің ғанасың
Жүрегімнің барында
Сүйіктім боп қаласың