Жігіттер квартетіБақытты бол

Біз тұрдық жол үстінде,
Жанымыз толы мұңға.
Тағдырдың білмеппіз-ау,
Жазбасын жолығуға
Жолыңды тосып күнде,
Тұрушы ем гүлдеріммен.
Алыстап кете бардың,
Зулаған күндеріңмен.

Бақытты бол, берілмей қайғы мұңға,
Бақытты бол, махаббат айдынында.
Бақытты бол, аққулы көлімдей ме ең?
Көз алдымнан кетпейді-ау сенің бейнең.

Мұңдатқан таңдағы күз,
Сарғайған солқын гүлдер.
Бірге атқан таңдарымыз,
Қайдасың сол бір күндер?
Тірегі тілегімнің,
Ән бе еді көркем үнің.
Қалауы жүрегімнің,
Мәңгі еді ерке күнің.

Бақытты бол, берілмей қайғы мұңға,
Бақытты бол, махаббат айдынында.
Бақытты бол, аққулы көлімдей ме ең?
Көз алдымнан кетпейді-ау сенің бейнең.