Sheroz MahmudovEslayveraman

Muhabbatimdan so'zlamayman
Uzilgan yurtdan uzilganimda
Xursandlikda hech eslamaymanu
Eslayveraman ezilganimda

Toshkentni yomg'iri yog'ar shig'alab
Qo'qon taraflar qor bo'lsa ajab
Sharqqa uchinchi qavatdan qarab
Eslayveraman ezilganimda

Nigohim qorli tizmada meni
O'zingdan buncha uzmada meni
Eslama desang ezmada meni
Eslayveraman ezilganimda

Oshiqlar sayr qilishar pastda
Biz ham yomg'irda kezardik asta
O'tib ketdimi bari bir pastda
Eslayveraman ezilganimda

Qancha yog'masin ketmasin sovib
Yomg'irlar dardim ketolmas yuvib
Havotiringa yuragim ivib
Eslayveraman ezilganimda