Dilyoraxon KavilovaNavro'z muborak

Tongni uyg'otib, dilga so'z keldi
Dilni kuylatib, gul Navro'z keldi
Olam uyg'onib, yurak to'lg'onib
Nasiba aylab, rizqu - ro'z keldi

Shudringdan marjon, taqib bo'yniga
Nahoru - bahor yuzma yuz keldi
Bog'lar bag'rida ko'rsatib jamol
Shodlik ulashib, qora ko'z keldi

Oftob mehrida ko'kda kamalak
Tog'larni bezab go'zal boychechak
Doshqozonda qaynar sumalak
Navro'z muborak Navro'z

Mayda g'unchalar, yuzida shabnam
Anhor adirlar, ko'ksida ko'klam
Borliq bahori, yam - yashil olam
Dilni kuylatib, gul Navro'z keldi

Oftob mehrida ko'kda kamalak
Tog'larni bezab go'zal boychechak
Doshqozonda qaynar sumalak
Navro'z muborak Navro'z

Oftob mehrida ko'kda kamalak
Tog'larni bezab go'zal boychechak
Doshqozonda qaynar sumalak
Navro'z muborak Navro'z